Жастар «Шаңырақ күні» шаңырақ көтерді
«Наурызнама» аясында бүгін елімізде «Шаңырақ күні» аталып өтіліп жатыр. Айтулы күні астаналық жастар шаңырақ көтеріп, некелерін қиды. Салтанатты шарада оларға «Неке қию» туралы куәлігі табыс етілді,-деп хабарлайды jambylinfo.kz.
19 жастағы Ақжол мен Айтолқын екеуі де студент. Олар Еуразия ұлттық универсиетінде білім алады. Жастар дәл «Шаңырақ күні» заңды түрде ерлі-зайыпты атанғандарына қуанышты екенін жасырмады.
«Бүгін біз үшін тарихи күн. «Шаңырақ» күні заң жүзінде некемізді қидырып отырмыз. Өте бақыттымыз. Бүгін айтылып жатқан ақ тілектер қабыл болсын. Еліміздегі барлық отбасылардың шаңырағы биік, керегесі кең болсын деп тілейміз,-дейді жас жұбайлар ағынан жарылып.