Ақ үй Вашингтон ұсынған бейбіт жоспар жобасын талқылауға арналған АҚШ пен Украина делегацияларының Женевадағы кездесуі жөнінде бірлескен мәлімдеме таратты, деп хабарлайды Jambylinfo.kz 

Мәліметке сәйкес, келіссөздер мазмұнды әрі конструктивті өткен.

Тараптар кез келген болашақ келісім Украина егемендігіне толық кепілдік беріп, тұрақты және әділ бейбітшілікті қамтамасыз етуі тиіс екенін қайта растады. Сонымен қатар Украина мен АҚШ алдағы күндері ортақ ұсыныстарды пысықтауға бағытталған қарқынды жұмысты жалғастыруға келісті. Бұл үдеріс Еуропадағы серіктестермен бірлесіп жүргізілетіні де атап өтілді.

Соңғы шешімді қабылдау құқығы Украина мен АҚШ президенттеріне тиесілі екені мәлімделді.