Түркия президенті Режеп Тайып Ердоған 31 наурызда өтетін муниципалды сайлау өзі үшін соңғы сайлау болуы мүмкін екенін мәлім етті, деп хабарлайды jambylinfo.kz DW сайтына сілтеме жасай отырып.

Бұл туралы Ердоған бірнеше күн бұрын TUGVA жастар ұйымының отырысында мәлім еткен. Айта кетейік, Ердоғанның президенттік өкілеттілігі 2028 жылы аяқталады. Яғни, осы өкілеттілігінен кейін ол қайтадан президент сайлауына түспеймін дегенді меңзеген.

Дегенмен, 70 жастағы саясаткер өзі жетекшілік ететін консервативті Әділет және даму партиясы 2028 жылы, яғни, Ердоған Түркия президентінің тағынан түскеннен кейін де билікте қалатынына сенім білдірді.