![Пәкістанда шахта құлап, 12 адам қайтыс болды](https://jambylinfo.kz/wp-content/uploads/2020/09/2Ң2Ң_Ң9_Ң8_676e53cfҢ1319a722e27baҢcc8eb5134_xl.jpg)
Пәкістанның солтүстік-батысында мәрмәр өндіретін шахтаның құлауы салдарынан 6 адам зардап шегіп, 12 адам қайтыс болды.
Белгілі болғандай, оқиға 7 қыркүйек күні Хайбер-Пахтунхва провинциясының Мохманд округінде болған. Оқиға орнына келген құтқарушылар үйінділер арасынан 18 адамды алып шыққан. Оның алтауы әртүрлі дене жарақатын алып, 12-сі өкінішке қарай, қайтыс болған. Жарақаттанған жұмысшылар ауруханаға жеткізілген.
Жергілікті полиция комиссарының орынбасарының айтуынша, қайтыс болғандар саны әлі де артуы мүмкін. Осыған байланысты іздестіру операциясына арнайы техника мен құтқарушылардың қосымша жасақтарын тарту жоспарланып отыр.
jambylinfo.kz
Jambylinfo.kz- Әлемдегі және еліміздегі соңғы жаңалықтар. Түрлі мәселелерден біздің ақпарат агенттігі арқылы хабарда болыңыз