Зымырандарды аралда өндіру жоспарланып отыр, ол Қытай тарапынан келуі мүмкін әскери қауіп-қатерді тежеп, қарсы тұру мақсатында жасалып отыр. Бұл туралы CNN арнасы мәлімдеді, деп хабарлайды Jambylinfo.kz 

Зымыранды олар Тайваньда өтіп жатқан авиация және әскери технологиялар көрмесінде көрсетті.

Тайваньдағы ең ірі қару-жарақ өндіруші мемлекеттік Чжуншань ғылыми-техникалық институты (NCSIST) жаңа қаруды «арзан әрі автономды зымыран» деп сипаттады.

Barracuda-500 зымыраны негізінде жасалған бұл зымыранды теңізде де, құрлықта да қолдануға болады. Оның ұшу қашықтығы туралы ақпарат жарияланбаған.

NCSIST президенті Ли Шицзян журналистерге берген сұхбатында Тайвань зымыран өндірісін келесі бір жарым жыл ішінде жолға қоюды жоспарлап отырғанын, бір зымыранның құны шамамен 216 000 доллар болатынын айтты.