Қазақстанда 28 мыңнан астам педагог біліктілікті арттыру курстарынан тегін өтті, деп хабарлайды jambylinfo.kz Оқу-ағарту министрлігінің баспасөз қызметіне сілтеме жасай отырып.

Анықталғандай, мектепке дейінгі және орта білім беру педагогтері «Өрлеу» біліктілікті арттыру ұлттық орталығынан тегін курс өткен.

«Бүгінде біздің орталықтың оқытушылары 1105-тен астам курс өткізді, онда 28 мыңнан астам педагог біліктілігін арттырды. Әр педагог курстан кейін алған білімдері бойынша бағаланады және оқытудың тиімділігіне талдау жасалады», – дейді «Өрлеу» орталығының басқарма төрағасы Айдана Шилибекова.

Оқу курстары осы жылдың ақпан айының соңында басталды. Орталық 80 мыңнан астам педагогті, оның ішінде мектепке дейінгі оқыту және тәрбиелеу жүйесінің 11 мыңнан астам педагогін және 68 мыңнан астам мектеп педагогін оқытуды жоспарлап отыр.