2025 жылы Қазақстан мен Өзбекстан арасында теміржол арқылы тасымалданған жүк көлемі 32,3 млн тоннаға жетті, деп хабарлайды Jambylinfo.kz 

Бұл өткен жылмен салыстырғанда 4,45 млн тоннаға немесе 16%-ға артық.

Қазақстаннан Өзбекстанға бағытталған жалпы теміржол тасымалы 13 млн тоннаны құрап, бір жылда 8,5%-ға (1,02 млн тонна) өсті.

Соның ішінде қазақстандық астық экспорты ерекше өсім көрсетті. 2025 жылы Өзбекстанға 4,5 млн тонна астық жеткізіліп, бұл 2024 жылмен салыстырғанда 32%-ға немесе 1,09 млн тоннаға көп.