Елордада шетелдік азаматтар ломбарды тонап кеткен,  деп хабарлайды Jambylinfo.kz 

Polisia.kz сайтының дерегінше, тергеу барысында бес адамнан тұратын топ қылмысты алдын ала мұқият жоспарлағаны анықталған.

• "Қаскөйлер ломбардтың кілтін алып, ондағы қызметкер түскі үзіліске шыққан сәтті күткен. Одан соң олар ішке кіріп, жалпы құны 45 миллион теңге болатын 654 алтын бұйымды, сондай-ақ кассадан бір жарым миллион теңгеден астам ақшаны ұрлап кеткен. Күдіктілер оқиға орнынан қашып, қаладан ізін суытып, елдің батыс аймағына бет алған. Жедел-іздестіру іс-шараларының нәтижесінде полицейлер күдіктілерді Орал қаласындағы үйлердің бірінің ауласында ұстады, онда олар тұрғын үйді жалға алуға тырысты. Күдіктілердің басқа елдің азаматтары екендігі анықталды", - делінген хабарламада.

Қазіргі уақытта олар қамауда. Осы факт бойынша сотқа дейінгі тергеу жүргізіліп жатыр.