Алакөл ауданында мұз үстіне шығып кетіп, жағаға жете алмай қалған 25 балықшы құтқарылды, деп хабарлайды Jambylinfo.kz

- Алакөл көлінде Ақши ауылы мен Көктұма ауылы арасында мұз жарылып, 25 балықшы жағаға жете алмаған. Оқиға орнына жедел жеткен құтқарушылар қайықпен оларды жағаға жеткізді. Құтқарылғандарға медициналық көмек қажет болған жоқ, - делінген хабарламада.

ТЖМ қатпаған мұз үстіне шығудың адам өмірі үшін өте қауіпті екенін, қыс мезгілінде көл бетіне шыққанда қауіпсіздік шараларын қатаң сақтауды ескертеді.