Соңғы қоңыраудан кейін көңіл күй үшін жас баланы ұрып-соғып, тепкінің астына алған екі қыз қолға түсті, деп хабарлайды jambylinfo.kz.

Оқиға Алматы қаласында болған. Бойжеткендер өздерінің заңсыз әрекетін ашық видеоға түсіріп, оны желіге салған. Бейнежазбада көрініп тұрғандай, екі қыз жас жігітті ұрып, теуіп, қорлық көрсеткен. Қыздардың әлімжеттігі қоғам арасында резонанс тудырып, құзырлы органдар бірден назар аударды.

Алматы қаласы полиция департаменті нің мәліметінше, аталған іске қатысты бұзақылық фактісі бойынша қылмыстық іс қозғалған.

«Кәмелет жасына толмаған күдіктілер полицияға түсті. Қазір ата-аналарының қатысуымен тергеу амалдары жүріп жатыр. Басқа да мән-жайлар анықталады», - деп хабарлады полиция.