Демалыс күндері Қазақстан аумағы солтүстіктен келген циклонның ықпалында болады, деп хабарлайды Jambylinfo.kz 

Синоптиктердің болжамынша, еліміздің көптеген өңірінде жаңбырдың соңы қарға ұласып, ауа температурасы біртіндеп төмендейді.

Ал, 4 қарашада елімізге нағыз қыс келеді. Солтүстік және шығыс аймақтарда түнде ауа температурасы -13 °C дейін төмендеп, күндіз -11 °C шамасында аяз болады. Бұл өңірлерде қар жауып, боран соғып, көктайғақ түзіледі деп күтілуде.

Ал еліміздің оңтүстігінде де осы күні жауын-шашын болып, ауа райы айтарлықтай суытады: түнде -13 °C дейін, күндіз шамамен -5 °C болады.