Астанадағы жатақханалардың бірінде ірі өрт шықты, - деп хабарлайды Jambylinfo.kz 

Ертеңгісін Сарыарқа ауданындағы Бұланты көшесінде орналасқан алты қабатты, мансардалы жатақханадан өрт шыққан. Оқиға орнына жеткен өрт сөндірушілер жалын жоғарғы, мансардалық қабаттан тұтанғанын анықтады. Ғимараттан 50 адам, оның ішінде 7 бала қауіпсіз жерге көшірілді.

Өрт толық сөндірілді. Жалын шарпыған аумақ – 1600 шаршы метр. Қазір оқиға орнында өрттің себебін анықтау үшін арнайы зерттеу зертханасы мен төтенше жағдайлар департаментінің мамандары жұмыс істеуде.

Қайтыс болғандар мен зардап шеккендер жоқ. Өрттің нақты себебі анықталып жатыр.