Бүгін таңертең 112 нөміріне Астана қаласы халықаралық әуежайдағы терминалдың электр қалқан бөлмесінде өрт шыққаны туралы ақпарат түскен, деп хабарлайды jambylinfo.kz.

Астана қалалық Төтенше жағдайлар департаментінің мәліметіне сүйенсек, әуежайдың екі терминалы арасында кабель жанған.  

"27 ақпанда сағат 08-03-те Астана қаласы ТЖД өрт сөндіру бөлімшелері Қабанбай батыр даңғылы, 119 мекенжайы бойынша жоғары дәрежедегі шақыру бойынша шықты. 

Бірінші қабатта Т-1 және Т-2 терминалдары арасында электр қалқанында 15 шаршы метр аумақтаеы алаңда электр кабелі жанған. Өрт сағат 08.24-те өрт жойылды. Қаза болғандар мен зардап шеккендер жоқ. Оқиға орнына Астана қаласы ТЖД жеке құрамның 76 адамы және 18 бірлік техникасы жұмылдырылды",-деп хабарлайды ТЖД баспасөз қызметі.