Батыс Қазақстан облысында су тасқынынан зардап шеккен халыққа жан-жақты қолдау көрсетіліп жатыр. Соның ішінде, арнайы мамандар балаларға психологиялық көмек берген, деп хабарлайды jambylinfo.kz.

Дәлірек айтсақ, жергілікті төтенше жағдайлар департаментінің мамандары балалардың стресстерін азайтуға арналған ойындар өткізген.

«Батыс Қазақстан облысында халыққа шұғыл психологиялық көмек көрсету жұмыстары жалғасып жатыр. Дағдылы ортасы өзгеріп, онлайн оқыту режиміне байланысты БҚО төтенше жағдайлар департаментінің психологтары нейрогимнастика және нейрография элементтерін пайдалана отырып балалардың танымдық қабілеттерін шыңдап, сондай-ақ эмоционалдық стрессті төмендетуге бағытталған тренинг өткізді», - деп хабарлайды ТЖМ баспасөз қызметі.