Енді «Үржар–Алматы» және «Үржар–Астана» бағыттарында тұрақты рейстер күн сайын орындалады, деп хабарлайды Jambylinfo.kz 

Бұл жаңалық тек жергілікті халық үшін ғана емес, Алакөлге және өңірдің өзге де туристік орындарына сапарлайтын қонақтар үшін де тиімді болмақ. Айта кетейік, әуеқатынасы мемлекет тарапынан  субсидияланып отыр, сондықтан билет бағасы да қолжетімді.

50 орындық «CRJ-200» ұшағы өңіраралық бағыттар үшін өте ыңғайлы.

Сонымен қатар, биыл бұл өңірде туристік маусымға дайындық қызу жүріп жатыр. Облыс әкімі Берік Уәлидің қолдауымен Алакөл жағалауын абаттандыруға 658 миллион теңге бөлінген. Қазіргі таңда:

2018 жылдан бері жөндеу көрмеген Арбат жаңартылып жатыр,

Ескі темір қоршаулар ауыстырылуда,

5 шақырымға жуық жолға асфальт төселеді,

10 модульді және 15 биодәретхана,

40-тан астам киім ауыстыратын кабина,

Қоқыс жәшіктері мен бейнебақылау камералары орнатылады.

Сонымен бірге, жағалауды нығайту үшін пирс пен қалқыма құрылғылар орнатылады.

Арбатқа түсетін жүктемені азайту мақсатында жаңа қоғамдық кеңістік салынады. Онда:

100 орындық сауда нүктелері,

Үлкен сахна мен субұрқақ,

Тұрғындарға арналған серуен аймағы қарастырылған.

Бұл өзгерістер Үржарды аймақтың ірі туристік хабына айналдыруға жасалған нақты қадам.