Қазақстанда "цифрлық ҚҚС" атты пилоттық жоба іске қосылды. Ол цифрлық теңге негізінде жүзеге асуда, - деп хабарлайды Jambylinfo.kz 

Бұл жоба салықтық әкімшілендірудің тиімділігін арттырып, қосылған құн салығын (ҚҚС) қайтару процесін жеделдетуге бағытталған.

Премьер-министр Олжас Бектенов цифрлық теңгені кеңінен қолданудың маңыздылығын атап өтті. Оның айтуынша, бұл қазына қаржысын үнемдеуге айтарлықтай ықпал етеді. Сондай-ақ, цифрлық теңге бизнестің ашықтығын қамтамасыз етуі тиіс.

"Кәсіпкерлерге қатысты мынаны ұстану керек: егер бюджет қаржысымен жұмыс істесең, оның қайда жұмсалғанын толық ашық көрсетуің қажет. Жеткізушілердің, мердігерлердің, қосалқы мердігерлердің бүкіл тізбегін айқындау керек. Сондықтан цифрлық теңге бойынша пилоттық жобаны кеңейту қажет", – деді Олжас Бектенов жиында.