Қуандық Бишімбаевтың ұлы Кәрім Бишімбаев Barys хоккей клубының балалар мен жасөспірімдер спорт мектебінің 2023-2024 жылғы үздік қақпашысы атанды, деп хабарлайды jambylinfo.kz. 

Бұл туралы Кәрім Бишімбаевтың анасы Назым Қаһарман әлеуметтік желідегі парақшасына жазды. 

“Бүгін хоккей маусымы жабылды. 2023-2024 жылының үздік қақпашысы атанып жатырмыз”,-деп жазды Назым Қаһарман. 

Ол жүктеген видеода ұлы Кәрім Бишімбаев марапатталып жатқанын көруге болады. Кейін анасы ұлының марапатын салып, қуанышын жеткізген. 

Айта кетейік, адам өлімі үшін 24 жылға сотталған экс-министр Қуандық Бишімбаев пен оның бұрынғы әйелі Назым Қаһарманның ортақ үш баласы бар.