Блогер Мейіржан Төребаев Алматыдағы түрмеге ауыстырылды
- авторМағжан Орынбасар
- 31 қазан, 2024
- 55
Танымал вайнерлер Мейіржан Төребаев пен Мейірхан Шерниязов Павлодардан Алматыға ауыстырылды, деп хабарлайды Jambylinfo.kz
БАҚ беттерінде Мейіржан Төребаевтың Павлодардан Алматыдағы минималды қауіпсіздік колониясына ауыстырылғаны туралы ақпарат тарады.
Tengrinews.kz редакциясына жауап берген ішкі істер министрлігінің Қылмыстық-атқару жүйесінің комитеті (ҚАЖ) вайнер Мейіржан Төребаев пен Мейірхан Шерниязовтың Алматыға ауыстырылғанын растады.
“Алматы қаласындағы мекемеде ұстау лимиті ұлғаюына байланысты бірқатар сотталғандар, оның ішінде аталған адамдар тұрғылықты жеріне ауыстырылды”, – деп мәлімдеді Қылмыстық-атқару жүйесінің комитеті.
Еске салайық, 2023 жылғы маусымда Төребаев пен Шерниязов Қылмыстық кодексінің 217-бабы "Қаржы (инвестициялық) пирамидасын құру және басқару" бойынша кінәлі деп танылды. Олар бес жылға сотталды. Бұл істің қалған қатысушылары 8 жылдан 14 жылға дейін бас бостандығынан айырылды.
Ұқсас жаңалықтар
Мектеп есепшісі 238 млн теңге бюджет қаражатын жымқырған
- авторМағжан Орынбасар
- 31 қазан, 2024