Түркістан облысында дәрігерлер төрт сантиметрлік болт жұтып қойған бір жастағы сәбидің өмірін аман алып қалды, деп хабарлайды Jambylinfo.kz 

27 қазанда ауыр халде облыстық балалар ауруханасына жеткізілген бүлдіршінге шұғыл көмек көрсетілді.

Дәрігерлер ларингоскопия әдісі арқылы сәбидің тамағынан болтты ешқандай хирургиялық ота жасамай-ақ алып шыққан.

Қазір қыз баланың жағдайы тұрақты. Ол анасымен бірге хирургия бөлімінде емін жалғастырып жатыр.