Мәжіліс депутаты Еділ Жаңбыршин елімізде сән-салтанат салығының қажеттілігін көтеріп, салықтан жалтарудың түрлі айла-шарғыларына назар аударды, - деп хабарлайды Jambylinfo.kz 

«Сән-салтанат салығын енгізу – орынды қадам. Бай адамдар көп төлесін. Қымбат көлік пен яхта секілді дүниелерге акциз салу – әділетті шешім. Бірақ, шындық мынадай: дәулетті азаматтар салық төлемеу үшін түрлі қулыққа барады. Мысалы, олар қымбат көліктерін мүгедектігі бар адамдардың, көпбалалы немесе батыр аналардың атына тіркеп, жеңілдіктерді өз пайдасына қолданады», – деді депутат.

Ол салық жүйесінде адамның әлеуметтік жағдайына емес, нақты байлығына қарай салық салынуы керектігін атап өтті: «Кімнің дәулеті көп – сол көбірек салық төлеуі керек. Әлеуметтік мәртебені салықтан босатудың құралына айналдыруға болмайды», – деді Жаңбыршин.