12 желтоқсаннан бастап БЖЗҚ жинақтарын пластикалық және қалпына келтіру оталары үшін пайдалану мақсатында өтінім қабылдау ресми түрде тоқтатылды, деп хабарлайды Jambylinfo.kz 

"Отбасы банк" мәліметінше, бұған дейін enpf-otbasy.kz порталында стоматологиялық және көз ауруларын емдеу (офтальмология) қызметтеріне БЖЗҚ қаражатын бағыттау мүмкіндігі шектелген соң, азаматтар жаңа рұқсат етілген бағытты көптеп таңдай бастаған.

Бұл бағыт — реконструктивті және қалпына келтіру сипатындағы операциялар. Соңғы күндері әсіресе операциядан кейінгі тыртықтарды жою және туа біткен ақауларды түзету секілді қызметтерге сұраныс күрт өскен.

«Желтоқсанның алғашқы 8 күнінде офтальмологияға өтінім қабылдау тоқтағаннан кейін, пластикалық оталарға БЗҚ пайдалану бойынша 2093 өтініш түсті. Бұл – бұрынғы айлық орташа көрсеткіштен 130 есе көп», – делінген хабарламада.