Көкшетауда ер адам қар сырғанағын бұзған 16 жастағы жасөспірімді ұрған,  деп хабарлайды  Jambylinfo.kz.

Polisia.kz дерегінше, Көкшетау полиция басқармасының қызметкерлері 16 жастағы жасөспірімге дене жарақатын салу фактісі бойынша сотқа дейінгі тергеу жүргізіп жатыр.

"Алдын ала мәліметтер бойынша жанжал көпқабатты үйдің ауласында болған. Айғақтарға сәйкес, өзі жасаған қар сырғанағының бұзылуына наразы болған ер адам жасөспірімнің бетіне соққы берген. Нәтижесінде кәмелетке толмаған бала облыстық ауруханаға жеткізілді. Полиция дереу болған оқиғаның мән-жайын тексеруге кірісті. Келтірілген зиянның ауырлығын анықтайтын сот-медициналық сараптама тағайындалды", - делінген хабарламада.

Полиция кәмелетке толмағандарға физикалық күш қолдануға жол берілмейтінін және жауапкершілікке тартылатынын еске салады.