Бейнеу ауданындағы Толқын кен орнындағы №57 ұңғымада газды-сулы қоспаның атқылауы тіркелді, деп хабарлайды Jambylinfo.kz 

Өрт шыққан жоқ, ешкім зардап шеккен жоқ. Дегенмен, ұңғыманың қабырғасына орнатылған құбыр арқылы газды-сулы қоспа сыртқа шығып жатыр. Қауіпсіздік шаралары күшейтіліп, жағдай толық бақылауда.

Оқиға орнына ТЖД-ның 32 қызметкері жұмылдырылып, дрон арқылы бақылау жүргізілуде. Сонымен қатар, "Ақберен", "Оңтүстік мұнай сервис", Nobilis corp және Varro Operating Group компанияларының мамандары да апат орнына тартылған.