Қорғаныс министрлігі әуе кеңістігін бақылауды күшейтіп, мемлекеттік шекараны заңсыз бұзуға жол бермеу мақсатында қосымша қауіпсіздік шараларын енгізгенін мәлімдеді, деп хабарлайды Jambylinfo.kz 

— Батыс Қазақстан облысының Бөрлі ауданында белгісіз ұшқышсыз ұшу аппаратының жарылысы тіркелді. Оның қалдықтары елді мекендерден алшақ аймақта табылды. Зардап шеккендер мен материалдық шығын тіркелген жоқ, — делінген министрліктің ресми хабарламасында.

Қазіргі уақытта уәкілетті мемлекеттік органдармен бірлесіп, дронның қайдан ұшып келгені мен оқиғаның нақты мән-жайын анықтау бойынша тексеріс жүргізілуде.