Президент кеңесшісі болып Мағзұм Мырзағалиев тағайындалды, - деп хабарлайды Jambylinfo.kz

- Мемлекет басшысының өкімімен Мағзұм Маратұлы Мырзағалиев Қазақстан Республикасы Президентінің кеңесшісі лауазымына тағайындалды,- делінген хабарламада.

Ал, бұған дейін осы қызметті Болат Ақшолақов атқарған еді.

- Мемлекет басшысының өкімімен Болат Оралұлы Ақшолақов Қазақстан Республикасы Президентінің кеңесшісі лауазымынан босатылды,- деп мәлімдеді Ақорданың баспасөз қызметі.

Сонымен қатар бүгінен бастап Рустам Баялиев Президенті Әкімшілігінің  бөлім меңгерушісі қызметін атқарады. 

- Мемлекет басшысының өкімімен Рустам Ахатханұлы Баялиев Қазақстан Республикасы Президенті Әкімшілігінің Өңірлік даму мониторингі бөлімінің меңгерушісі болып тағайындалды, ол бұрынғы атқарған лауазымынан босатылды,- делінген хабарламада.