Қазақстан президенті Қасым-Жомарт Тоқаев су тасқынына байланысты өткен шұғыл жиналыста бірқатар шенеуніктер мен әкімдерге сөгіс жариялады, деп хабарлайды jambylinfo.kz Ақордаға сілтеме жасай отырып.

«Президент су тасқынына қарсы уақытылы шара қабылдамағаны үшін Премьер-Министрдің бірінші орынбасары Роман Склярға, Су ресурстары және ирригация министрі Нұржан Нұржігітовке қатаң сөгіс, Ақтөбе, Қостанай, Батыс Қазақстан облыстарының әкімдеріне қызметтік міндеттеріне толық сай келмеуіне байланысты ескерту берді», - деп хабарлайды Ақорда.

Сонымен қатар, Атырау, Ақмола, Алматы, Павлодар және Абай облыстарының әкімдеріне қатаң сөгіс жарияланғаны белгілі болып отыр.

Естеріңізге сала кетейік, осы аталған облыстарда қар суы еріп, өзен-көлдер арнасынан асып жатыр. Облыстарда тұтас ауылдар су астына кетіп, осы уақытқа дейін тоғыз мыңнан астам адам эвакуацияланған.