Шымкентте ауа райының жылынуына байланысты жылыту маусымы мерзімінен бұрын аяқталды, - деп хабарлайды Jambylinfo.kz 

Көшедегі жылу жүйелеріне жөндеу немесе алдын алу жұмыстары қажет болған жағдайда, тұрғындарға Энергетика және инфрақұрылымды дамыту басқармасына немесе «Энергоцентр-3» кәсіпорнының диспетчерлік қызметіне жүгіну ұсынылады.

Бастапқыда жылу беру 15 сәуірде тоқтатылады деп жоспарланған еді.

Синоптиктердің болжамынша, 7 сәуір күні Шымкентте ауа температурасы +26 градусқа дейін көтеріледі. Сенбіде күн +30 градусқа дейін ысиды.