ҚР Су ресурстары және ирригация министрі Нұржан Нұржігітов су тасқынына қарсы жиын өткізіп, су тасқыны кезеңі аяқталғаннан кейін барлық су қоймасы 100% толатынын айтты, деп хабарлайды jambylinfo.kz.
Министрдің айтуынша, су ресурстарын басқару жүйесін дамытудың 2024-2030 жылдарға арналған жоспарына су тасқынына қарсы іс-шаралар енгізілген.
«Оны іске асырудың кешенді жоспары бар. Еріген қар суын ауыл шаруашылығында пайдалану жоспарын шұғыл әзірлеу қажет. Су тасқыны кезеңі аяқталғаннан кейін барлық су қоймалары 100% толуы керек, бірақ су жинау кезеңі су шаруашылығы құрылыстарына зиян келтірмейтіндей өтуі керек», - деді министр Нұржан Нұржігітов.
Нұржігітов министрлік пен жергілікті атқарушы органдар арасындағы өзара жедел іс-қимылдың маңыздылығын, су тасқыны кезінде ғана емес, жыл бойы тығыз байланыста болуы керегін атап өтті.
"Байланысты арттыру маңызды. Өйткені, министрліктен бөлек, әкімдіктердің де балансындағы су қоймалары бар. Сондай-ақ бірлесіп су шаруашылығы құрылыстарын жөндеуді жылдамдатамыз", - деді министр жиын соңында.
Ұқсас жаңалықтар
