Еуропалық футбол қауымдастықтары одағы (UEFA) Қазақстан футбол федерациясын қыркүйек айында өткен матч нәтижелері бойынша тәртіп бұзғаны үшін жазалады.
Бұл шешім 2027 жылғы Еуропа чемпионатының іріктеу кезеңінде Қазақстанның жастар құрамасы (U-21) мен Англия командасы арасында өткен ойынға қатысты шығарылған, деп хабарлайды Jambylinfo.kz
Кездесу 8 қыркүйекте Ақтөбе қаласында өткен болатын.
UEFA-ның тәртіптік комитеті ҚФФ-ны екі тармақ бойынша жауапты деп таныды:
жанкүйерлердің алаңға шығуы үшін — 1 250 еуро;
матчтың кеш басталғаны үшін — 7 500 еуро.
Жалпы айыппұл сомасы 8 750 еуроны, яғни шамамен 5,5 миллион теңгені құрады.
Айта кетсек, аталған ойында Англия құрамасы 2:0 есебімен жеңіске жеткен еді.
Ұқсас жаңалықтар
