Цифрлық даму, инновациялар және аэроғарыш өнеркәсібі вице-министрі Асқар Жамбакин жұмыс сапары аясында Жамбыл облысында халықпен кездесіп, азаматтарды қабылдады, деп хабарлайды jambylinfo.kz.

Өз сөзінде вице-министр облыс бойынша офлайн форматта мемлекеттік қызметтерді көрсету үшін 19 бөлімше мен 1 арнайы ХҚКО бар екенін айтты. Осы жылдың басынан бері Жамбыл облысы бойынша 475 мыңнан астам мемлекеттік қызмет көрсетілген. 2024 жылы Тараз қаласының 15-шағын ауданында ХҚКО ашу жоспарланып отыр.

«Бүгінгі таңда Жамбыл облысында 372 елді мекен бар. Жамбыл облысының 53 мектебі Starlink спутниктік жүйесіне қосылған», - деп атап өтті Асқар Жамбакин.