Қарағандылық жас композиторлар Жәнібек Қазбекұлы мен Бексұлтан Имашев Париждегі ХХХІІІ жазғы Олимпиада ойындарында Қазақстан атынан қатысып жатқан спортшыларымызды қолдау мақсатында "Намыс" күйін шығарды, деп хабарлайды Jambylinfo.kz

Музыканттардың айтуынша, бұл күй жастарымыздың патриоттық рухын көтеру үшін шығарылған.

 

"Қазақстандық спортшылар ел намысын лайықты қорғаған сәт шабыттандырып, күйдің туындауына себеп болды", – деді Жәнібек Қазбекұлы.

Олар ел намысын қорғап, Қазақстан туын көтерген Елдос Сметов, Назым Қызайбай, Нұрбек Оралбай, Нариман Құрбанов, Демеу Жадыраев, Гусман Қырғызбаев, Александра Ле және Ислам Сәтбаевқа "Намыс" күйін арнады.