Бұл туралы облыс әкімі Нариман Төреғалиев мәлімдеді, деп хабарлайды Jambylinfo.kz 

Әкім 4 маусым күні иіс тию салдарынан қаза тапқан балалардың ата-анасы мен жақындарына көңіл айтты. Қайғылы жағдай орнына облыс әкімінің орынбасары барған.

"Қазір оқиға орнында аудан әкімі жүр, барлық тиісті қызметтердің жұмысын үйлестіріп жатыр. Әкімдік тарапынан жан-жақты көмек беріледі: жерлеу рәсімін ұйымдастыру, психологиялық қолдау, баспанамен қамту және өзге де әлеуметтік қолдаулар қарастырылады", – деп жазды Нариман Төреғалиев Facebook парақшасында.

Оқиға орнында төтенше жағдайлар департаментінің мамандары, полицейлер мен дәрігерлер жұмысын жалғастыруда. Әкім бұл жағдайды өз бақылауына алғанын айтты.