Бұл туралы ол Үкімет отырысынан кейінгі брифингте мәлімдеді, деп хабарлайды Jambylinfo.kz 

"Үкімет мүшесі, министр ретінде позициям Үкіметтікімен үндеседі. Сондықтан ешқандай өзгерістер болмайды", - деді Ерсайын Нағаспаев Үкімет отырысынан кейінгі брифингте.

Сондай-ақ министрлік өкілдері еліміздегі отандық автокөлік өндірісі мен қолжетімділік жайлы мәлімет берді.

Өнеркәсіп комитетінің төрағасы Азамат Панбаевтың айтуынша, Қазақстанда автокөлік шығаратын 8 өнеркәсіптік кешен бар, оның ішінде Қостанай мен Алматыда орналасқан екеуі жеңіл көлікке маманданған. 2024 жылы жеңіл көлік өндірісі 134 мыңға жеткен.

"Қазіргі таңда ең төменгі санаттағы автокөлік құны 6 млн теңгеге жуық. Жалақы мәселесі біздің министрліктің тікелей құзыретіне кірмейді. Бірақ математикалық тұрғыдан алсаңыз, 6 млн теңгені 85 мың теңгеге бөлесіз ғой", - деді Өнеркәсіп комитетінің төрағасы Азамат Панбаев.