Оқу-ағарту бірінші вице-министрі Наталья Жұмаділдаева мұғалімдердің еңбек демалысының төлемі қалай есептелетінін түсіндірді,-деп хабарлайды jambylinfo.kz. 

BAQ.KZ сайтының тілшісі ОКҚ алаңында өткен брифингте Оқу-ағарту бірінші вице-министрі Наталья Жұмаділдаевадан мұғалімдердің еңбек демалысының төлемі қалай есептелетінін сұраған.

"Мұғалімдердің еңбек ақысы Үкіметтің қаулысымен реттеледі. Осы ретте еңбек ақысы мен еңбек демалысының төлемі мұғалімнің жүктемесіне, біліктілік санатына және еңбек өтіліне байланысты болады. Осы жиынтық бойынша оның жалақысы мен демалыс ақысы есептеледі. Бұл сұрақтар тарифке байланысты жеке-дара есептеледі", - деп түсіндірді вице-министр брифингте.

Сондай-ақ  Наталья Жұмаділдаева мұғалімдер 56 күндік еңбек демалысына шығатынын, ал  экологиялық апатқа жататын өңірдегі мұғалімдер 65 және 66 күн демала алатынын айтқан.