Ол бұған дейін кездескен чилилік қарсыласы Даниэла Асенхомен қайта жекпе-жекке шығып, бұл жолы сенімді әрі әсерлі жеңіске қол жеткізді, деп хабарлайды Jambylinfo.kz 

Жекпе-жек басталған сәттен-ақ Лукас толық басымдық танытып, қарсыласына еш мүмкіндік берген жоқ. Оның соққылары дәл әрі жойқын болды, нәтижесінде кездесу төрешілердің шешімін күтпестен, мерзімінен бұрын аяқталды. Бұл жеңіс — Ангелинаның тек чемпиондық белдігін ғана емес, сонымен қатар оның шеберлігі мен мықты дайындығын дәлелдеген маңызды сәттердің бірі болды.

Осылайша, Ангелина Лукас IBO (Халықаралық бокс ұйымы) тұжырымы бойынша әлем чемпионы атағын тағы да бір мәрте қорғап, қазақстандық спорттың беделін көтеріп, жанкүйерлеріне зор қуаныш сыйлады.