Сербияның Нови-Сад қаласында өтіп жатқан грек-рим күресінен жастар арасындағы әлем чемпионатында Қазақстан құрамасының балуаны Омар Сатаев қола медаль жеңіп алды, деп хабарлайды Jambylinfo.kz 

Ол 82 келіге дейінгі салмақ дәрежесінде белдесіп, үшінші орын үшін өткен шешуші жекпе-жекте бельгиялық Ибрагим Табаевты 10:8 есебімен ұтты.

Бұл жеңіс Қазақстан құрамасының қоржынына түскен үшінші медаль болды. Бұған дейін Юсуф Мациев күміс жүлдеге, ал Мерей Мәулетханов қола медальға қол жеткізген еді.