Көкпардан Шымкент қаласында өткен Қазақстан Республикасының XXIV чемпионаты өз мәресіне жетті, деп хабарлайды Jambylinfo.kz 

Дүбірлі додада еліміздің түкпір-түкпірінен келген үздік шабандоздар бақ сынап, тартысты ойынның өрнегін көрсетті.

Финал жергілікті азулы Шымкент қаласының құрамасына қарсы өткізілген болатын. 

Тартысқа толы ойынның бірінші кезеңі 1-1 есебімен аяқталса, ойынның екінші кезеңінде әулиеаталықтар есепті еселеп 4-2 есебімен жеңіске жетті. 

Осылайша XXIV рет ұйымдастырылған ел чемпионатында Жамбыл облысының көкпаршылар 15-ші рет жеңіс тұғырының ең биік сатысына көтерілуде. 

Ал, екінші орынды Шымкент қаласының командасы иеленсе, үшін орынды Астана қаласының көкпаршылары еншіледі.