https://youtu.be/vLfjKr16Yi4 Жамбыл облысында 1 қазаннан бастап Ұлттық халық санағының негізгі кезеңі – интервьюерлермен тұрғындардың үйлерін аралау басталды. Бұл жұмыс 30 қазанға дейін жалғасады. Ал 31 қазан мен 6 қараша аралығында 10 пайыздық іріктелген бақылау жүргізіледі. Бұл туралы аймақ басшысының орынбасары Талғат Мамаев ӨКҚ баспасөз мәслихатында мәлімдеді. 12 қазан күні өңірде санақ персоналы ретінде 1 239 адам жұмылдырылды, оның 989-ы интервьюер. Олар планшетпен жұмыс істеу, сауал салу жүргізу әдістері бойынша оқыту курсынан өткен. «Санақ парақтары 69 сұрақтан және 22 нақтылайтын қосалқы сұрақтан тұрады. Орта есеппен, әр адам 50 сұраққа жауап береді. Брифинг барысында белгілі болғандай, 12 қазандағы жағдай бойынша онлайн санақтан 526 708 адам өткен. Оның ішінде 473 065 азамат sanaq.gov.kz сайтында жауап беріпті, еgov порталында 34 244 адам, тағы 19 399 респондент Aitu қосымшасын қолданып санақ сұрақтарына жауап берген.