Түркістан облысының тұрғыны Шымкенттегі мешіттердің бірінде ұялы телефон ұрлаумен айналысқан, деп хабарлайды Jambylinfo.kz

Ұсталған азамат бір күнде екі азаматты гаджетсіз қалдырып, бір кішкентай баланың ұялы телефонын алдау арқылы иемденген. Полиция оны мас күйінде кезекті рет ұрлық жасаған кезде ұстады. Тәртіп сақшылары телефондарды заңды иелеріне қайтарды.

-  Ұсталған ер адамға қатысты тергеу жүргізілуде. Полиция қызметкерлері қалта ұрлығы адамдар көп жиналатын орындарда: базар, сауда орталықтары, автобустарда және т.б. жерлерде жасалатынын ескертеді,- делінген ресми хабарламада.