Тараз қаласы әкімдігі жанындағы мемлекеттік рәміздер жөніндегі комиссия отырысында бірқатар мекеме басшыларына ескерту жасалды. Себебі, олар мемлекеттік рәміздерді қолдануда селқостық танытқан. Ағымдағы жылдың 17-21 тамыз аралығында аталмыш комиссия Тараздағы 80 мекемеге зерделеу жүргізген. Кейбірінде кір шалған мемлекеттік Ту күтімсіздікті байқатса, енді брінде тіпті тиісті орнына орнатылмаған. Мысалы, мүгедек балаларды оңалту және бейімдеу орталығы мен №2 облыстық мамандандырылған балалар мен жасөспірімдер спорт мектебі ғимаратының сыртында Мемлекеттік Ту орналастырылмаған. Осы секілді ортақ мүддеге олақтық көрсеткен мемекем басшыларына Заң талаптары ескертілді. Кейбір мекемелер жаңа ғимаратқа көшуне байланысты Туды орната алмай отырса,ендібірі қаржының бөлінуіне орай кешігіп отырғанын айтты. Қамар Қарасаева