Полиция қызметкерлері шаһардағы шағын аудандарының бірінде орналасқан сауда орнында балалар арбасынан әмиан ұрлаған ер адамды ұстады, деп хабарлайды Jambylinfo.kz
Мәліметке сүйенсек, базаршылап сауда орнына келген әйел баласы отырған арбадан жүзін бұрған сәтте бейтаныс еркек бөтеннің мүлкіне қол сұққан. Әмианның ішінде жеке құжаттар мен 250 мың теңге көлемінде ақша болған екен.

-    Аталған дерек бойынша қылмыстық іс қозғалды. Жамбыл облысының Полиция департаменті азаматтарға адам көп шоғырланатын орындарда құнды заттарына мұқият болып, қырағылық танытуда ескертеді!,- деді ПД баспасөз қызметі.