Сондай-ақ, Жамбылда еңбек құқықтарының бұзылуына байланысты биылғы жылдың 1 тоқсанында 658 өтініш түскен. Оның ішінде 400-і жеке, 258-і заңды тұлғалардан.

Ал, 3 тоқсанында облыс ұйымдары мен кәсіпорындарында 70 тексерулер жүргізілді. Қорытындысында заңды және лауазымды тұлғаларға қатысты 32 әкімшілік құқықбұзушылық анықталған. Оларға 5 млн. теңгеден асатын соммада әкімшілік айыппұл салынған. Оның 4 млн. теңгесі өндіріліпті. 28 өндірістік жазатайым оқиға орын алып, 34 адам зардап шеккен. Оның ішінде 4 адам шығыны болып, 10 адам ауыр дәрежеде жарақат алған.

Жұмыс барысында жазатайым оқиғалар жиілеп барады ма? Жұмыскерлер жеке қорғану құралдарымен қамтамасыз етілген бе? Олардың құқықтары қаншалықты қорғалған?

Міне, осы мәселелер бойынша тиісті басқарма тоқсан сайын 45 кәсіпорынға барып, еңбек мәселелеріне қатысты мониторинг жүргізілмек.