Констиуция Орынқызы 1958 жылы дүниеге келген. Оның айтуынша, кеңестік кезеңде өмір есігін ашқан сәбиге сол тұстағы орын алып жатқан саяси науқанға байланысты есім беру сәнге айналған. 

– Бұл есімді маған теліп қойғанына дән ризамын. Ата Заңымыздың атын арқалап жүргенде, дәл бүгін маңызды шарадан қалыс қалсам азаматтық ұстанымыма сын болар деп, алғашқылардың бірі болып өз таңдауымды жасадым. Еліміз аман, жұртымыз тыныш болсын. Мемлекеттік маңызы бар құжаттың абыройы асқақтай берсін. Президент Қасым-Жомарт Тоқаевтың «Заң мен тәртіп» қағидатын әрдайым отбасы-жақындарыма үгіттеп отырамын, – дейді Конституция Орынқызы. 

Айта кетейік, Жамбыл облысындағы 513 референдум учаскесі сағат 20:00-ге дейін жұмыс істейді.