жексенбі, 6 сәуір, 2025 2:05

Jambylinfo.kz - Әлемдегі және еліміздегі соңғы жаңалықтар. Түрлі мәселелерден біздің ақпарат агенттігі арқылы хабарда болыңыз.

Байланыс

Шу ауданында асыл тұқымды қойлардың көрмесі өтті

Шу ауданында асыл тұқымды қойлардың көрмесі өтті
Жамбыл облысының әкімдігі
Көрме барысында қатысушылардың арасында бірнеше байқау ұйымдастырылды

Шу ауданында өткен көрмеде өңірдегі шаруалардың 200-ден аса асыл тұқымды қошқары таныстырылды,- деп хабарлайды Jambylinfo.kz

Шараға ветеринария басқармасының басшысы Бақыт Бетбаев, аудан әкімі Бақытжан Жәнібеков пен қой шаруашылығын жанындай сүйетін тұрғындар қатысты.

Көрме барысында қатысушылардың арасында бірнеше байқау ұйымдастырылды.

Әуелі 110 келілік қошқар көтеру сайысы өтті. Алып қошқарды Түркістан облысынан келген Құттыбай Сарыбаев 33 мәрте көтеріп, бас жүлдеге ие болды. Бірлікүстем ауылының тұрғыны Кенже Қожи қошқарды 16 рет арқалап, екінші орынды еншіледі. Шопан ата төлін 15 рет көтерген далақайнарлық Данияр Шәкіров үздік үштікті түйіндеді. Барлық жеңіпаздарға қаржылай сертификат берілді.

Бұдан соң 8 қатысушы қой қырқу бойынша шапшаңдық пен ептіліктерін сынады. Кейіннен қойды жіліктеу жарысы өтіп, үш қойдың еті қайырымдылыққа жұмсалды.

Асыл тұқымды қойлардың көрмесінде ауыл шаруашылығы өнімдерінің жәрмеңкесі өтті. Ет, сүт өнімдері мен «Ауыл аманаты» бағдарламасымен кәсіп бастаған азаматтардың тауарлары нарық бағасынан төмен бағада саудаланды.

Айта кетейік, Жамбыл облысындағы 1700-ден аса шаруа қожалықта 3,5 миллион қой бар.

Мағжан Орынбасар
Автор

Мағжан Орынбасар

jambylinfo.kz сайтының авторы

Ұқсас жаңалықтар