Таразда ашық диалог алаңы ұйымдастырылды. Бұл іс-шара «Адал азамат» біртұтас тәрбие бағдарламасы аясында және «Заң мен тәртіп» айлығы аясында өткізілді, деп хабарлайды Jambylinfo.kz 

Жиынға облыстық және қалалық деңгейдегі жауапты мекемелердің өкілдері, құқық қорғау органдары, білім саласының басшылары, әкелер кеңесінің төрағалары, мектептердегі бала құқықтары жөніндегі өкілдер мен педагогтер қатысты.

Шара барысында «Адал азамат – жарқын болашақ!» сахналық қойылымы, шығармашылық көрмелер, ашық пікірталас ұйымдастырылып, қатысушылар балалар құқығын қорғау, буллингтің алдын алу, кәмелетке толмағандар арасындағы құқықбұзушылықтың профилактикасы мәселелерін талқылады. ‎