Тараздағы түрмеде сотталғандар арасында мәдени-спорттық іс-шаралар ұйымдастырылды, деп хабарлайды Jambylinfo.kz

Жамбыл облысының ҚАЖД №58 мекемесінде Жаңа жыл мерекесінде 2024 жылдың 31 желтоқсанынан 2025 жылдың 4 қаңтарына дейін сотталғандар арасында мәдени-спорттық іс-шаралар ұйымдастырылды.

 САТжӘПЖЖ бөлімінің жасақ бастықтары ұйымдастырған бұл шаралар сотталғандарды салауатты өмір салтын ұстануға шақыру, бос уақыттарын тиімді өткізу, патриоттық сезімдерін ояту және ұйымшылдықты қалыптастыру мақсатында өткізілді.

Іс-шара аясында қол күрес, гір көтеру, шахмат және дойбы ойындары бойынша жарыстар ұйымдастырылды. Сондай-ақ, стенд газеті көрмесі өткізіліп, қатысушылардың шығармашылық қабілеттерін көрсетуіне мүмкіндік берілді.

Қызықты әрі тартысты өткен спорттық сайыстарда жеңімпаздар анықталып, түрлі дәрежелі жүлделі орындарға ие болған сотталғандар марапатталды. Ұйымдастырушылар бұл шаралардың зияткерлік спорт түрлеріне деген қызығушылықты арттырып, мекемеде ұйымшылдық пен ынтымақтастық рухын қалыптастырғанын атап өтті.

Мұндай іс-шаралар сотталғандардың денсаулығын нығайтуға, олардың рухани әрі зияткерлік дамуына ықпал етіп, қоғамға бейімделуіне оң әсер ететіні сөзсіз.