Үйдің ауласында әйелге әлімжеттік көрсеткен жаға ұстатарлық видеоны jambylinfo.kz сайтының оқырманы редакциямызға жібергенін жазған едік.  Бүгін аталған оқиғаға орай Жамбыл облыстық полиция департаментінің баспасөз қызметі мәлімдеме жасады.

Ағымдағы жылдың 13 мамырында полиция қызметкерлерімен Қылмыстық кодекстің 293-бабы 1-бөлігі бұзақылық дерегі бойынша сотқа дейінгі тергеу амалдары басталды. 
Күдікті ұсталып, уақытша ұстау изоляторына қамаққа алынды. Тиісті сараптамалар тағайындалды, тергеу әрекеттері жүргізілуде.

Еске салайық, оқиға түнгі уақытта "Ұлы дала" шағын ауданында орын алған.