Бүгін  Таразда М.Х.Дулати университетінде қазақтың мәдиетіне үлкен үлес қосқан ғалым Серікбол Қондыбайға арналған конференция ұйымдастырылды, деп хабарлайды jambylinfo.kz.

Айта кетейік, географиялық терминдерді қазақша нұсқада жазған Серікбол Қондыбайдың өмірден өткеніне биыл 20 жыл толып отыр.

Шараға облыстық Шоқан Уәлиханов атындағы кітапхана қызметкерлері де бой көрсетті.

«Көпшілікке, соның ішінде жастар қауымына тансық Қондыбайұлының 10 томдық мифологиялық кітаптары кітапхана төрінде тұр. Серікбол Қондыбайдың география-тарих саласында есімі алтын әріппен қалардай тұлға. Бүгінгі іс-шараның басты мақсаты осы бір тұлғаның мұрасын ұмыт қалдырмау», - дейді кітапханашы Гүлжан Ноғайбаева.

Жаннұр Әбдіраманқызы