Ақтау қаласының бір топ тұрғынының наразылық білдірген бейнежазбасы тарады. Олар жалған кәсіпкердің қызметін жарнамалаған блогерлерді қатаң жазалауды талап етті, деп хабарлайды Jambylinfo.kz
Наразы топ 3 жыл бұрын интернеттегі жалған жарнамаға алданып, қолдағы қаражатын шетелден iPhone сатып алуға жұмсаған. Алайда бұл қаражат құмға сіңгендей жоқ болған. Енді алданғандар тек алаяқтарды ғана емес, қызметін жарнамалағандарды да жазалау керек деп шарт қойып отыр. 

-    2020 жылдан бастап, карантиннен бері бізде онлайн сатып алу деген ұғым пайда болды, бірақ шын мәнінде көпшілігіміз бұл мәселелерді дұрыс түсінбейміз, сондықтан олар алаяқтардың құрбанына айналады, тіпті 70 жастағы зейнеткерлерді алдап, оларға сеніміне кіреді, - дейді тұрғындар.