Жамбыл облысы Меркі ауданының прокуратурасы атқарылған жұмыстар үшін кәсіпкерге ақшасын төлемеген ауруханаға қатысты шара қолданды, деп хабарлайды jambylinfo.kz.

«Мерке аудандық орталық ауруханасы мен «Neuro MED» ЖШС-гі арасында міндетті әлеуметтік медициналық сақтандыру жүйесіндегі қызмет көрсеру үшін келісімшарт жасалған. Шарт талаптары бойынша қызмет көрсетуші барлық міндеттемелерді толық орындаған. Алайда оған қарамастан тапсырыс беруші тарапынан атқарылған жұмыстың ақысы 4,6 млн теңге төленбеген», - деп хабарлайды Жамбыл облысының прокуратурасы.

Прокурорлық қадағалау актісінің негізінде аурухана «Neuro MED» ЖШС пайдасына тиісті төлем жүргізген.